ஏதோ ஒரு காரணம்..
ஏதோ ஒரு வார்த்தை..
உனக்கும் எனக்குமிடையே
பிரிவினை பிரித்து தந்தது..
எதிர் எதிரே பார்க்கும் போது கூட
நீயும் நானும்
எங்கோ பார்த்தபடி கடந்து போவதாய்.......
மௌனம் நமக்கிடையே
பேசிக்கொண்டே இருந்தது...
அந்த மௌனத்தை கலைக்க விரும்பி
ஒவ்வொரு முறையும்
உன்னோடு பேச வருகிற போதெல்லாம்
ஏதோ ஒரு காரணத்தால்
அந்த சந்திப்பு நம்மை சந்திக்கவே
இல்லை....
அலை பேசி அழைக்கிற ஒவ்வொரு
முறையும் அது நீயாக
இருந்து விடக்கூடாதா
என்கிற ஏக்கம்...
ஆனால்
உன்னை தவிர
அனைவரும் அழைகிறார்கள்
பிறகொருநாள்...
வேறு வழியின்றி நீயும் நானும்
அருகருகே..
நம்மிருவரின் பார்வைகள்
எங்கெங்கோ அலைபாய்ந்து
இறுதியில் நாமிருவரும்
பார்த்துக்கொண்ட போது
வார்த்தைகள் தொண்டைக்குள்ளே
தூக்கு போட்டு கொண்டன..
கலங்கிய விழிகளால்
நீ என்னை பார்த்த போது
பரிதவிக்கிற இதயத்தோடு
உன் கைகளை பற்றி கொண்டேன்..
சிதறி விழுந்த உன் கண்ணீருடன்
நம் ஊடலும்
உடைந்து போனது...